Böyük xuliqan

Uğurlu yazıçı Devid ədəbiyyatdan dərs demək üçün vaxtilə oxuduğu məktəbə qayıdır. O, bu addımı ilə davakar oğlu Benin tərbiyəsinə daha çox vaxt ayırmağa çalışır. Məktəb vaxtı hər kəs tərəfindən incidilən Devid üçün oğlunun xuliqan kimi böyüməsi gözlənilməz bir vəziyyətə çevrilir.

Ben başqa bir şagirdi vurduqdan sonra Devid məktəbə çağırılır. Burada o, zərərçəkmiş uşağın atası ilə qarşılaşır və onun keçmişdə özünü ələ salan «Qanad» ləqəbli köhnə düşməni olduğunu öyrənir. Keçmiş inciklikləri unuda bilməyən hər iki ata uşaqlıq illərindəki kimi bir-birinə qarşı amansız mübarizəyə başlayır.

«Böyük xuliqan» (Big Bully) komediya filmi 1995-ci ildə ABŞ-da Stiv Mayner tərəfindən çəkilib. Ekran əsərində baş rolları Tom Arnold, Kodi MakMeyns, Teqan Moss və Kayl Labayn canlandırıblar.