Riskli yarışlar

Berti üçün sürət hər şeydən önəmlidir və o, bütün vaxtını sevimli Manta B GTE avtomobilinə həsr edir. Gəncin yanında sadiq dostları və sevgilisi Uşi var. Lakin rəqibi Aksel ilə girdiyi mərc hər şeyi çətinləşdirir: Berti Uşi ilə birlikdə mənzil almaq üçün topladıqları pulları ortaya qoyur.

Stadiona gedərkən BMW sürücüsü ilə yarışan Bertinin maşınının mühərriki sıradan çıxır və onun qarşıdakı yarışda iştirakı sual altına düşür. Həmin vaxt mexanik dostu Gerd ona Uşinin Ferrari sahibi Helmutla görüşdüyünü xəbər verir. Əslində isə Bertidən uşaq gözləyən qız sadəcə onu qısqandırmaq istəyir. Bütün bu qarışıqlığın fonunda təyin olunmuş yarış günü getdikcə yaxınlaşır.

Almaniya istehsalı olan «Riskli yarışlar» komediyası 1991-ci ildə rejissor Volfqanq Büld tərəfindən çəkilib. Əsas rollarda Horst D. Şeel, Martin Armknext, Liz Beker və Yokel Çirş yer alıb.