Erkan və Stefan

Amerika xüsusi xidmət orqanlarını ifşa edən kaset təsadüfən alman naşirinin qızı Ninanın çantasına düşür. Qız Münxenə uçur, atası isə onu qorumaq üçün təcili mühafizəçi axtarmağa başlayır. Lakin taleyin istehzası ilə bu iş bütün şəhərdə səfehlikləri ilə tanınan Erkan və Stefan adlı iki gəncə həvalə olunur.

Gözəl qızın cazibəsinə düşən cütlük onun ardınca Mərkəzi Kəşfiyyat İdarəsi və Almaniya xüsusi xidmətinin düşdüyündən xəbərsizdir. Ninanı qorumağa çalışan dostlar getdikləri hər yerdə elə bir xaos və dağıntı yaradırlar ki, peşəkar agentlər qarşılarında əsl mütəxəssislərin dayandığını düşünürlər.

«Erkan & Stefan» komediya filmi 2000-ci ildə Almaniyada istehsal olunub. Rejissoru Mixael Herbiq olan bu layihədə əsas rolları Coel Kirbi, Çarlz M. Huber, Errol Şeyker və Persi Hoven canlandırıblar.