Qadağan olunmuş dəhşətli yuxular

Sadəlövh rəssam Paolo məşhur komiks nəşriyyatında çalışır və tez-tez xəyallara dalır. Təxəyyülündə o, öz çəkdiyi cazibədar Daliya obrazının cəsur xilaskarı rolundadır. Gerçək həyatda isə Paolonun günləri darıxdırıcı keçir: o, «Nosferatu» hotelində qalır və məkanın sərt sahibəsinin çirkin qızı Marina ilə evlənməyə hazırlaşır.

Supermarketlərin birində bazarlıq edərkən Paolo xəyallarındakı Daliyaya bənzəyən gənc qadınla qarşılaşır. Dəyərli mikrofilmin arxasınca düşən iki kişi həmin qadını təqib edir və o, içində gizli material olan konfet qutusunu Paolonun arabasına atır. Qadın qəfil yoxa çıxır, rəssam isə özünü təhlükəli macəraların içində tapır və toy günü kilsədən qaçaraq oğurlanmış Daliyaya kömək etməyə tələsir.

1982-ci ildə çəkilmiş İtaliya istehsalı «Qadağan olunmuş dəhşətli yuxular» (Sogni mostruosamente proibiti) komediyasının rejissoru Neri Parentidir. Əsas rolları Canet Aqren, Rossana Kanciari, Lella Kattaneo və Ennio Antonelli canlandırıblar.