Mayami Rapsodiyası

Qvin ailə qurmağa hazırlaşdığı ərəfədə qohumlarının gizli saxladığı şəxsi sirləri üzə çıxır. Görünüşdə mehriban olan bu ailənin hər bir üzvünün özünəməxsus problemləri var. Qardaşı hamilə xanımını tərk edir, bacısı isə toyundan cəmi üç ay keçməsinə baxmayaraq başqa birinə meyil salır.

Valideynləri də övladlarından geri qalmır: anası yaraşıqlı bir kişi ilə görüşür, atasının gizli macəraları isə vəziyyəti daha da qəlizləşdirir. Öz toyundan əvvəl bütün bu qarışıq münasibətləri görən gənc qız evlilik qərarını yenidən nəzərdən keçirir və doğmalarının həyatındakı dolaşıqlığı anlamağa çalışır.

ABŞ istehsalı olan «Mayami Rapsodiyası» kinokomediyası 1995-ci ildə rejissor Devid Frenkel tərəfindən çəkilib. Ekran əsərində rolları Kelli Bişop, Barbara Qerrik, Oskar A. Dias və Mark Blum canlandırırlar.