Atalar günü

Cek Lourens və Deyl Poni tamamilə təsadüf nəticəsində tanış olurlar. Söhbət əsnasında hər iki kişinin evdən qaçmış övladını axtardığı məlum olur. Hər iki oğlanın on yeddi yaşı var və adları da eynidir. Üstəlik, Cek və Deyl bu uşaqların varlığından uzun illər əvvəl ayrıldıqları keçmiş sevgililəri vasitəsilə lap bu yaxınlarda xəbər tutublar.

Çox keçmədən hər iki atanı daha böyük təəccüb bürüyür, çünki onların əslində eyni bir yeniyetmənin arxasınca düşdükləri üzə çıxır. Bir gənci axtaran bu iki fərqli şəxs artıq axtarışları birgə davam etdirmək məcburiyyətində qalırlar.

«Fathers' Day» komediya filmi 1997-ci ildə ABŞ-da istehsal olunub. Rejissor Ayvan Raytmanın çəkdiyi filmdə Ceyson Raytman, Dena Quld, Alan Berqer və Cared Harris kimi aktyorlar rol alıb.