Həyat yoldaşını necə öldürməli

Rober Millar varlı, lakin bezdirici İrenlə evlidir. Onun gənc katibəsi ilə gizli münasibəti xanımının diqqətindən yayınmır və aldadılan qadın onların ardınca xəfiyyə göndərir. Nitsaya işgüzar səfərə yollanan Rober burada detektiv əsərlər qələmə alan Jerar adlı gənc bir yazıçı ilə tanış olur. Ər ona yalnız sifarişçinin təqdim etdiyi qeydlər əsasında xüsusi bir kitab yazması üçün böyük məbləğdə pul təklif edir.

Təklifdən sevinən Jerar dərhal işə başlayır. Yazıçı fərqinə varmır ki, kağıza köçürdüyü cinayət süjeti əslində sifarişçinin zəngin həyat yoldaşını aradan götürmək planıdır. Lakin gedişat qəhrəmanların düşündüyü kimi rahat irəliləmir və hadisələr tamamilə fərqli istiqamət alır.

«Tout doit disparaître» komediya filmi 1996-cı ildə Fransada lentə alınıb. Layihənin rejissoru Filipp Muyldir. Əsas rolları Rejis Lapale, Salah Teskuk, Eli Semun və Mari Borovski ifa ediblər.