Salam və əlvida

Gənc qadın həyat yoldaşının şəhərə gedib daha yaxşı həyat axtarışına çıxmasından sonra kənddə üç övladı ilə tək qalır. Ailəsini tərk edən ərin arxasınca təkbaşına ayaqda qalmağa çalışan ananın kəndinə yeni sahə müvəkkili təyin olunur. Bütün cəhətləri ilə etibarlı və dürüst olan bu milis işçisi kənd sakinlərinin rəğbətini qazanır.

Milis nəfərinin diqqəti və səmimiyyəti qadının qəlbindəki incikliyi yox edir, ona yenidən ailə səadətinə ümid verir. Onların arasında yaranan səmimi bağlar yeni bir həyatın başlanğıcına çevrilir. Lakin şəhərdə axtardığını tapa bilməyən köhnə ərin kəndə qəfil qayıdışı bu münasibətləri sınaq qarşısında qoyur.

«Salam və əlvida» (Zdravstvuy i proshchay) filmi 1972-ci ildə SSRİ-də rejissor Vitali Melnikov tərəfindən lentə alınıb. Komediya və melodram janrındakı ekran əsərində baş rolları Lüdmila Zaytseva, Oleq Yefremov, Mixail Kononov və Natalya Qundareva canlandırıblar.