Şirin azadlıq

Sayvill adlı sakit şəhərciyin kollec professoru Maykl Börces ABŞ Müstəqillik müharibəsinə dair ciddi elmi kitab qələmə alır. Həqiqi hadisələrə əsaslanan bu tarixi araşdırma tezliklə kino istehsalçılarının diqqətini çəkir və onlar əsəri ekranlaşdırmaq hüququnu alırlar. Çəkiliş heyətinin şəhərə gəlməsi yerli əhalinin gündəlik sakit həyatını tamamilə dəyişdirərək böyük həyəcan yaratsa da, müəllifin özü üçün xoşagəlməz anlar başlayır.

Ssenari müəllifi Stenli Quld ilə söhbətdən sonra Maykl dəhşətlə görür ki, ciddi tarixi mətn keyfiyyətsiz və bəsit bir vodevilə çevrilib. Üstəlik, filmin ulduz aktyoru Elliot Ceyms şəhərə çatar-çatmaz kollec direktorunun xanımı Lesli və Mayklın sevgilisi Qretxen də daxil olmaqla yerli qadınlarla münasibət qurmağa başlayır. Maykl isə bir tərəfdən Qretxenin evlilik tələblərindən qaçır, digər tərəfdən qoca anasına baş çəkir və baş rol ifaçısı Feyt Hilinin cazibəsinə qapılır.

ABŞ istehsalı olan «Sweet Liberty» komediya filmi 1986-cı ildə ekranlara çıxıb. Rejissoru Alan Alda olan ekran əsərində rolları Lillian Giş, Riçard Uaytinq, Frenk Ferrara və Bill Çemerka canlandırıblar.