Yatan iti oyatmayın

Nyu-Yorkda yaşayan Mel Koplin dörd aylıq körpəsinə hələ də ad qoya bilmir. O, öz bioloji valideynlərini tapmadan övladına ad verməkdən imtina edir. Melin bu istəyi onu böyüdüb boya-başa çatdıran övladlığa götürən ailəsinin kəskin etirazı ilə qarşılaşır.

Yaxınlarının narazılığına baxmayaraq, Mel həqiqətin izinə düşmək üçün yola çıxır. Bu səfərdə ona həyat yoldaşı Nensi, südəmər uşağı və övladlığa götürmə agentliyinin psixiatrı Tina yoldaşlıq edir. Doğma valideynləri axtarmaq üçün başlanan səyahət qəribə hadisələrlə davam edir.

«Flirting with Disaster» komediya filmi rejissor Devid O. Rassell tərəfindən lentə alınıb. ABŞ istehsalı olan bu film 1996-cı ildə ekranlara çıxıb. Əsas rollarda Coş Brolin, Sintiya Lamontanye, Seliya Ueston və Nadya Dajani çəkiliblər.