Ana və atanı necə küsdürməli

Qabrielin nümunəvi və mehriban bir ailəsi olsa da, bu vəziyyət onun ürəyincə deyil. Valideynləri boşanmış dostlarına baxan uşaq onlara qibtə edir, axı yoldaşları ikiqat hədiyyə, bol bayram və ikiqat cib xərcliyi alır. O da eyni imkanları əldə etmək üçün anası ilə atasının ayrılmasını arzulayır.

Böyüklər başqa yerə köçmək niyyətində olduqlarını bildirəndə hadisələr sürətlənir. Yaşayış yerini dəyişmək istəməyən Qabriel ən yaxın dostu ilə birləşərək valideynlərinin arasını vurmaq və onları boşanmağa sövq etmək üçün hiyləgər bir plan hazırlayır.

2024-cü ildə İtaliyada çəkilən «Come far litigare mamma e papà» adlı komediya filminin rejissoru Canluka Ansanellidir. Əsas obrazları Kristian Mudu, Canmarko Filippini, Adriano Çivitani və Valentina Barbieri canlandırıb.