Class Act

Əlaçı və dahi Dunkan ilə dəcəl, davakar Bleyk tamamilə fərqli xarakterlərə malik iki gəncdir. Məktəb sənədlərində yaranan qarışıqlıq onların taleyini gözlənilmədən kəsişdirir. Nəticədə oğlanların şəxsi işləri səhv salınır və hər ikisi başqasının yerinə keçməli olur.

Beləliklə, nizam-intizamlı Dunkan problemli yeniyetmələrin olduğu sinfə göndərilir. Heç vaxt dərslərlə maraqlanmayan xuliqan Bleyk isə qabaqcıl və istedadlı şagirdlərin arasında özünü bilikli biri kimi aparmağa məcbur qalır. Hər iki gənc yeni mühitə uyğunlaşaraq vəziyyətdən çıxış yolu axtarır.

ABŞ istehsalı olan «Class Act» komediya filmi 1992-ci ildə rejissor Rendall Miller tərəfindən çəkilib. Ekran əsərində baş rolları Kristofer Rid, Kristofer Martin, Lamont Conson və Simpli Marvalus canlandırıb.