Səhv adam

Nelson Hibbert şirkətdə yüksək vəzifəyə təyin olunacağını gözləsə də, rəhbərlik başqa namizədi seçir. Bu qərara qəzəblənən Nelson müdirini ölümlə hədələyir. Lakin az sonra rəhbərinin otağına daxil olanda onun artıq qətlə yetirildiyini görür.

Hamı tərəfindən qatil hesab ediləcəyindən qorxan qəhrəman dərhal qaçmağa başlayır. Qaçış zamanı o, bir sıra gülməli hadisələrlə üzləşir və sonda çətinliklərini həll etməyə kömək edəcək cazibədar bir xanımla tanış olur.

«The Wrong Guy» adlı komediya trilleri 1997-ci ildə rejissor Devid Steynberq tərəfindən çəkilib. Böyük Britaniya və Kanadanın birgə istehsalı olan bu filmdə baş rolları Ceff Klark, Kolm Fior, Kennet Uelş və Riçard Şevolye canlandırıb.