Kiçik apokalipsis

Parisdə yaşayan polşalı mühacir Sten yazıçı kimi tanınmaq istəsə də, naşirlər onun əlyazmalarını çap etməkdən boyun qaçırırlar. Maddi çətinliklər üzündən keçmiş arvadının evində sığınacaq tapan yazıçı bir gün gözlənilməz qəzaya uğrayır. Hadisəni görən qadın bunu Stenin intihar cəhdi kimi qəbul edir.

Bu hadisədən sonra keçmiş həyat yoldaşı ona kömək etmək qərarına gəlir və kitabın işıq üzü görməsi üçün addımlar atır. Lakin tezliklə məlum olur ki, roman yalnız bir şərtlə çap edilə bilər: Sten doğrudan da öz həyatına qəsd etməlidir. Baş qəhrəman ədəbi mühitin yaratdığı bu qəribə və çıxılmaz vəziyyətlə üz-üzə qalır.

1992-ci ildə ekranlara çıxan «Kiçik apokalipsis» (La petite apocalypse) filmi rejissor Kosta-Qavras tərəfindən Polşa, Fransa, İtaliya və Avstriyanın birgə istehsalı kimi çəkilib. Komediya janrındakı layihədə baş rolları Stefano Maşyarelli, Dominik İsnard, Andreas Vutsinas və Kazimej Kaçor ifa ediblər. Əsər Berlin Film Festivalında «Qızıl ayı» mükafatına namizəd göstərilib.