Yalnızları yalnız anlar

Çikaqolu polis Denni Muldun artıq otuz səkkiz yaşındadır, lakin hələ də subaydır. O, yaşlı anası Roza ilə birlikdə yaşayır və onun qayğısına qalır. Yerli irland barında Tereza Luna adlı cazibədar qadınla qarşılaşması onun həyatını dəyişir. Denni Tereza ilə tanış olan andan ona vurulur və qadın da eyni hisslərlə cavab verir.

Cütlüyün romantik münasibəti inkişaf etsə də, Denninin şıltaq anası bu vəziyyətdən narazı qalır. Qayınana olmağa qətiyyən hazır olmayan ana, oğlunun sevgisinə maneələr yaradır və onların xoşbəxt günlərini zəhərləməyə başlayır.

"Yalnızları yalnız anlar" (Only the Lonely) filmi 1991-ci ildə ABŞ-da istehsal olunub və Kris Kolambus tərəfindən çəkilib. Komediya-melodram janrındakı ekran əsərində Les Podvell, Dik Sollenberger, Toni DeQide və Teri MakEvoy rol alıblar.