Mənim gizli Santam

Milad bayramı ərəfəsində təkbaşına uşaq böyüdən Teylor işsiz qalır. Eyni zamanda qızı snoubordinq məktəbinə qəbul edilir və bu təhsilin haqqını ödəmək lazım gəlir. Çıxış yolu axtaran ana öyrənir ki, San-Pik dağ-xizək kurortunun işçilərinə övladlarının dərsləri üçün xüsusi endirim verilir.

Lakin kurort otelində yalnız bir kişi vakansiyası boş qalır: istirahət edənləri Santa-Klaus obrazında əyləndirmək. Teylor yaşlı Hyu Mann cildinə girərək işə düzəlməyi bacarır. Qadın otelin meneceri Mettyuya aşiq olduqda isə qurduğu bu sirli plan təhlükə altına düşür.

ABŞ istehsalı olan «My Secret Santa» komediya və melodram filmi 2025-ci ildə işıq üzü görüb. Ekran əsərinin rejissoru Mayk Roldur, baş rolları isə Jayden Oniah, Lincon Grant, Dominic Fox və Charlie Cherriere canlandırırlar.