Run for Your Wife

Taksi sürücüsü Con Smit öz həyatından tamamilə razıdır və gələcəyə böyük ümidlərlə baxır. Lakin küçədə evsiz bir qadını xuliqanlardan qorumağa çalışarkən döyülməsi hər şeyi alt-üst edir. Axşam vaxtında evinə qayıtmayan Conun həyat yoldaşı Stefani narahat olaraq polisə müraciət edir. Əsas problem isə eyni anda polis şöbəsinə Conun digər arvadı Mişelin də eyni şikayətlə üz tutmasıdır.

Təsadüfi hadisə nəticəsində iki qadınla evli olduğu üzə çıxmaq təhlükəsi ilə üzləşən Con polisdən bu sirri gizlətməyə məcburdur. Eyni zamanda iki xanımın bir-birindən xəbər tutmaması üçün vəziyyətdən çıxış yolları axtarır. Hadisələr qəhrəmanın hər addımında daha da dolaşıq vəziyyət alır.

«Run for Your Wife» komediya filmi 2012-ci ildə Böyük Britaniyada çəkilib. Layihənin rejissorluğunu Con Luton və Rey Kuni edib. Əsas rollarda Trişia Torns, Martin Kokreyn, Sara Hardinq və Ben Kartrayt çıxış edir.