Qraf

Fransız ordusunun keçmiş zabiti Klod Pinoş əsrlər boyu vampir olduğunu gizlədərək yaşayır. Fransa inqilabı zamanı ölümünü saxtalaşdıran qaniçən qiyamçılara qarşı mübarizə apararaq dünyanı gəzir və nəhayət Auqusto Pinoçet adı ilə Çilidə məskunlaşır. İllər sonra yenidən özünü ölmüş kimi qələmə verən qoca diktator tənha bir məkana çəkilir və bu dünyadan birdəfəlik köçmək arzusuna düşür.

Lakin əbədi həyatına son qoymaq o qədər də asan olmur. Gizli sərvəti və mirası ələ keçirmək istəyən övladları onun gizləndiyi yerə toplaşırlar. Qızlarından birinin dəvəti ilə ailənin yanına mühasib adı altında bir rahibə də gəlir; onun əsl məqsədi isə şeytanı qovmaq ayinini icra etməkdir.

"El Conde" adlı qara komediya və qorxu filmi 2023-cü ildə Çilidə rejissor Pablo Larrain tərəfindən çəkilib. Ekran əsərində əsas rolları Sofía Maluk, Daniela Seguel, Josefina González və Fanny Moreno canlandırır.