2001 Manyak 2

Pleazant Velli qəsəbəsinin kabus sakinləri mer Bakmenin rəhbərliyi altında yeni qurbanlar axtarmaq üçün doğma Corciya ştatını tərk edərək şimala yollanırlar. Qana susamış bu konfederat qruplaşması Ayova ştatının geniş çöllərində özlərinə düşərgə salır.

Eyni vaxtda yollarını azmış bir televiziya çəkiliş qrupu təsadüfən onların məskunlaşdığı bu əraziyə gəlib çıxır. Gördükləri qəribə kəndliləri öz televiziya şousu üçün lentə almaq istəyən qonaqlar, əslində necə bir təhlükə ilə üzləşdiklərindən xəbərsiz olaraq öz ölüm hökmlərini vermiş olurlar.

«2001 Maniacs: Field of Screams» filmi rejissor Tim Sallivan tərəfindən ekranlaşdırılmış və qara komediya ilə qorxu janrlarını birləşdirir. 2010-cu il istehsalı olan bu ABŞ filmində əsas rolları Bill Mousli, Kəterin Huat, Cordan Yeyl Livayn və Cimmi Evans canlandırıblar.