Purge of Kingdoms

Səkkiz Krallığın hökmdarları aralarındakı müharibələrə son qoymaq məqsədilə Təmizlənmə Ziyafətinə toplaşırlar. Dəvət olunan əyanlar Şişman Kralın onları birdəfəlik məhv etmək üçün qurduğu hiyləgər tələdən tamamilə xəbərsizdirlər.

Lakin qaniçən hökmdarın planı gözlənilmədən pozulur. Həm onun öz ailəsində gizli sui-qəsd hazırlanır, həm də qonaqların arasında xain niyyətləri olan xeyli insan peyda olur. Qəsrdə xəyanətlər bir-birini əvəz edir, cəsədlər çoxalır və gizli ehtiraslar ziyafəti idarəolunmaz vəziyyətə gətirir.

Komediya janrında çəkilmiş «Purge of Kingdoms» filminin rejissoru Ara Payayadır. ABŞ istehsalı olan bu ekran işi 2019-cu ildə işıq üzü görüb. Əsas rollarda Kris Qarner, Qreq Dreyven, Tayla Dzukki və Con Di Domeniko çəkiliblər.