Julia X

Şəhərdə qurbanlarını internet vasitəsilə axtaran qatil, onlarla görüş təyin edərək onları qaçırır. Cinayətkar qulaqlıqda sevimli musiqisinə qulaq asaraq əsirlərinə işgəncə verir, bədənlərinə əlifba sırası ilə damğa vurur və ardınca cəsədlərdən qurtulur.

Növbəti dəfə də hər şey tanış ssenari üzrə başlayır: tanışlıq, qaçırılma və işgəncələr. Lakin yeni seçilən qız asan şikar olmur. O, nəinki tələdən qaçmağı bacarır, hətta təcavüzkarına ardıcıl zərbələr endirərək gözlənilməz müqavimət göstərir və vəziyyəti tamamilə dəyişir.

ABŞ istehsalı olan «Julia X» filmi 2011-ci ildə rejissor P.C. Petyette tərəfindən çəkilib. Qara komediya, triller və qorxu janrlarını birləşdirən ekran əsərində Ted Ferqyuson, Kessi Şi Uotson, Kari C. Kramer və Ceyms B. MakDeniel rol alıb.