Qorxulu film: Rad Çadın qisası

Video-kaset icarəsi dükanının qəribə sahibi Çadın dəfn mərasimi bir-birinə bənzəməyən insanları bir araya gətirir. Sağlığında qeyri-adi xarakteri ilə seçilən bu adam, həyatdan köçdükdən sonra da qonaqlarına qorxunc sürprizlər hazırlayıb. Beləliklə, vida mərasimi ölümcül tələlərlə dolu təhlükəli bir sınağa çevrilir.

Qapalı məkanda qalan iştirakçılar canlarını qurtarmaq üçün amansız bir sağ qalma oyunundan keçməli olurlar. Dəhşətli mərhələlərin fasilələrində isə naməlum şəxs onları qorxulu filmlərə baxmağa məcbur edir. Hər yeni videoçarx onların daxil olduğu bu qapalı labirintin bir hissəsinə çevrilir.

ABŞ istehsalı olan «Scare Package II: Rad Chad's Revenge» qorxu-komediya filminin rejissorları Aaron B. Kunts və Entoni Kazinsdir. 2022-ci il lentində əsas obrazları Barbara Binqhem, Diana Prins, Kelli Maruni və Kerolayn Uord canlandırıblar.