Oskar

İri sahibkar Bertran Barnyenin istirahət günü sübh tezdən evinə gələn çağırılmamış qonaq tərəfindən pozulur. Bu şəxs onun tabeliyində çalışan Kristian Martendir və onun tək məqsədi məvacibinin kəskin şəkildə artırılmasına nail olmaqdır. Gənc oğlan bu pulları varlı həyata öyrəşmiş sevgilisi ilə ailə qurmaq üçün istəyir. Əsas rəqibin şirkətinə keçməklə hədələyən inadkar işçi sonda xəsis müdirini məvacib artımına razı salır.

Lakin qonağın getmək fikri yoxdur və o dərhal yeni bir xəbər verir. Kristian bildirir ki, evlənmək istədiyi həmin xanım məhz Barnyenin öz qızıdır. Belə həyasızlıqdan qəzəblənən ev sahibi Marteni dərhal qapıdan çölə atmaq istəsə də, bu gözlənildiyi qədər asan başa gəlmir.

«Oskar» fransız komediya filmi 1967-ci ildə ekranlara çıxıb. Əsərin rejissoru Eduar Molinaro, baş rolların ifaçıları isə Lui de Fünes, Klod Riş, Mario David və Jermən Delbadır.