Dəli səyahət

Odri karyerası üçün olduqca vacib bir müqavilə bağlamaq məqsədilə Pekinə yola düşür. Uşaq ikən amerikalı ailə tərəfindən övladlığa götürülən qız tərcüməçi kimi ən yaxın rəfiqəsi Lolonu yanına alır. Lakin hava limanında məlum olur ki, Lolo k-pop həvəskarı olan əmisi qızını da dəvət edib, Çinə çatdıqda isə onlara məşhur dorama aktrisası olan tələbəlik tanışları Ket qoşulur.

İşgüzar görüş gözlənilməz maneə ilə üzləşir: çinli tərəfdaş öz köklərini tanımayan biri ilə müqavilə imzalamaq istəmir. Beləliklə, qızlar razılaşmanı xilas etmək üçün yola çıxırlar. Dörd nəfərlik heyət Odrinin bioloji anasını axtarmaq üçün ölkə boyu hərəkət etməyə məcbur qalır.

ABŞ istehsalı olan «Joy Ride» («Dəli səyahət») komediya filmi 2023-cü ildə rejissor Adel Lim tərəfindən çəkilib. Baş rolları Stefani Syu, Debbi Fen, Pol Çen və Meredit Haqner canlandırır.