Eşq

Tələbə Rahul və Priya adlı gənc qız eyni təyyarə ilə Dehlidən Heydərabada yola düşürlər. Əlverişsiz hava şəraiti səbəbindən təyyarə Qoadakı hava limanına enməli olur. Bu gözlənilməz gecikmə zamanı bir yerdə vaxt keçirən gənclər bir-birlərinə qarşı güclü hisslər bəsləməyə başlayırlar.

Lakin son mənzilə çatdıqda hər şey dəyişir. Məlum olur ki, Priyanın böyük qardaşı Şiva keçmişdə baş vermiş bir münaqişəyə görə Rahulun barışmaz düşmənidir. İki gəncin münasibətləri bu köhnə ədavət qarşısında ciddi sınaqla üzləşir.

«Eşq» (Ishq) filmi Hindistan istehsalı olan melodram və komediya janrındadır. 2012-ci ildə ekranlara çıxan ekran əsərinin rejissoru Vikramdır, baş rolları isə Nitin, Nitya Menen, Naqinidu və Acay canlandırıblar.