İt kimə qalacaq?

Uğurlu həkim Oliv və idmanda bəxti gətirməyən xokkeyçi Kley bir vaxtlar ailə quraraq qızılı retriever cinsindən olan bir it saxlayırlar. Lakin cütlüyün həyata baxışları fərqli çıxır: qadın möhkəm ailə arzulayır, kişi isə idman karyerasını davam etdirməyə çalışır.

Nəticədə münasibətlər pozulur və tərəflər boşanma ərəfəsinə gəlirlər. Əsas mübahisə isə birgə böyütdükləri sevimli itin kimdə qalacağı üstündə başlayır və keçmiş həyat yoldaşları dördayaqlı dostları uğrunda ciddi mübarizəyə girişirlər.

ABŞ istehsalı olan «İt kimə qalacaq?» (Who Gets the Dog?) komediya filmi 2015-ci ildə rejissor Hak Botko tərəfindən çəkilib. Əsas rolları Rayan Kvanten, Kristofer Kaler, Danielle Puterbaugh və Emi C. Karle ifa ediblər.