Tone-Deaf

Şəxsi həyatında ayrılıq yaşayan və işini itirən Oliv dostlarının məsləhəti ilə bir müddət şəhərdən uzaqlaşmaq qərarına gəlir. İstirahət etmək üçün həftəsonuna kənarda sakit bir ev kirayələyən gənc qadın mülk sahibi olan yaşlı dul kişi ilə tanış olur. Zahirən tamamilə adi görünən bu qocanın arxasında böyük bir təhlükə gizlənir.

Həyat yoldaşının vəfatından sonra psixoloji sarsıntı keçirən ev sahibi artıq itirəcək heç bir şeyinin qalmadığını düşünür. Müasir gəncliyə qarşı nifrət bəsləyən bu qəzəbli adam planetin çox məskunlaşmasının qarşısını almaq bəhanəsi ilə bir nəfəri öldürmək niyyətinə düşür və növbəti hədəf Oliv olur.

2019-cu ildə ABŞ-da istehsal olunmuş «Tone-Deaf» filmi komediya, triller və qorxu janrlarını birləşdirir. Ekran əsərinin rejissoru Riçard Beyts ml.-dir, əsas rolları isə Robert Patrik, Şeyn Breydi, S.C. Conson və Morqan Krants canlandırıblar.