Çağırılmamış qonaqlar

Həddindən artıq isti və dar mənzildən bezən bağban ailəsi təravətlənmək üçün gözlənilməz bir addım atır. Ailə başçısı sahibləri səfərdə olan dəbdəbəli bir villaya nəzarətçi kimi baxır. Fürsətdən istifadə edən ailə üzvləri bu möhtəşəm malikanəyə köçərək özlərinə gizli və qayğısız bir tətil təşkil etmək qərarına gəlirlər.

Onlar villanın bütün nemətlərindən doyunca zövq almağa başlayırlar: hovuzda çimir, zəngin şərab zirzəmisini dadır və bahalı kürüdən yeyirlər. Əsas məsələ isə evdəki qiymətli əntiq əşyaları sındırmamaq və uşaqların çılçıraqlardan yellənməsinin qarşısını almaqdır. Lakin malikanə sahibləri axşam yeməyi vaxtı qəfildən geri qayıdanda vəziyyət qarışır və ailə zəngin qohum rolunu oynamaq məcburiyyətində qalır.

İspaniya istehsalı olan «Çağırılmamış qonaqlar» (El casoplón) komediya filmi 2025-ci ildə rejissor Xoakin Mason tərəfindən lentə alınıb. Baş rollarda Arianna Aragón, Nur Levi, Mónica Solaun və Aroa García çıxış edirlər.