Korporativ heyvanlar

Amerikada yeməli qablar istehsal edən nəhəng şirkətin rəhbəri Lüsi komanda ruhu barədə danışmağı çox sevir. Əslində isə onu yalnız öz maraqları düşündürür. Kollektivi möhkəmləndirmək üçün təşkil olunan təbiət gəzintisi gözlənilməz fəlakətlə nəticələnir.

İşçilər yeraltı mağaraya endikləri zaman torpaq sürüşməsi baş verir və çıxış yolu qaçmağa çalışan bələdçi ilə birlikdə daşlar altında qalır. Kənardan təcrid olunan heyət üzvləri həmkarlarının əsl siması ilə üzləşməli və təhlükə içində birgə hərəkət etməyi öyrənməli olurlar.

«Corporate Animals» qorxu və komediya filmi rejissor Patrik Brays tərəfindən ABŞ-da lentə alınıb. 2019-cu il istehsalı olan layihənin baş rollarında Demi Mur, Cessika Uilyams, Den Bakkedal və Kit Striklend çəkiliblər.