Little Evil

Sevgi dolu Qeri xəyallarındakı qadın Samanta ilə evləndikdən sonra onun beşyaşlı oğlu Lukas üçün yaxşı ata olmağa çalışır. Lakin uşaq yeni ailə üzvü ilə ünsiyyət qurmaq istəmir. Oğlan kəlmə kəsmir, həmyaşıdlarından uzaq durur və ətrafdakıları qorxunc baxışları ilə süzür, onun yaxınlığında isə mütəmadi olaraq bədbəxt hadisələr baş verir.

Ögey oğlunun dilini tapmaq istəyən Qeri oxşar çətinliklərlə üzləşən ögey ataların dəstək qrupuna üz tutur. Çox keçmədən «Little Evil» filminin qəhrəmanı dərk edir ki, uşağın davranışı adi şıltaqlıq deyil və qarşısındakı balaca oğlan əsl Dəccalın özüdür.

Qorxu və komediya janrında çəkilən bu ABŞ filminin rejissoru İlay Kreyqdir. 2017-ci ildə nümayiş olunan layihənin əsas rollarında Donald Feyson, Salli Fild, Rik Epplgeyt və Pol Slimak çəkiliblər.