Girl Fever

İncəsənət məktəbində təhsil alan Sem istedadlı rəssam olsa da, dərslərində ardıcıl uğursuzluqlarla üzləşir. Qızlara qarşı olan hədsiz marağı onu tez-tez qəribə addımlar atmağa vadar edir. Küçədə qarşılaşdığı Houp adlı gənc qızın təbəssümünə ilk baxışdan vurulan Sem, əlinə tələsik yazdığı telefon nömrəsini qəfil yağan yağışın yuması ilə böyük məyusluq yaşayır.

Əlaqə vasitəsini itirən oğlan sevdiyi qızı tapmaq üçün hər cür çətinliyə qatlaşmağa hazırdır. Axtarışlar onu yüzlərlə qızın yaşadığı tələbə yataqxanasına gətirib çıxarır. O, çoxsaylı maneələri aşaraq yeganə sevgilisini həmin yataqxanada yenidən tapmağa çalışır.

Amerikanın «Girl Fever» adlı romantik komediya filmi 2002-ci ildə nümayiş olunub. Ekran əsərinin rejissoru Maykl Devisdir, baş rollarda isə Kristal Vonq, Ehud Blayberq, Pedro Barreyra və Riçard Tenner çəkiliblər.