İtaliya ulduzları altında

Britaniyalı yazıçı İan həm şəxsi həyatında, həm də yaradıcılığında dərin durğunluq yaşayır: hisslərdən məhrum olmuş münasibətlər ona artıq sevinc bəxş etmir. Yeni romanını tamamlamaq və ilham toplamaq istəyən qələm sahibi İtaliyaya yollanmaq qərarına gəlir.

Səfər İanın gözlədiyindən xeyli fərqli məcraya yönəlir. O, burada yerli mədəniyyət və ənənələrlə yaxından tanış olmaqla yanaşı, xəyallarındakı qadınla qarşılaşır. Yeni tanışlıq yazıçının həm daxili aləmini, həm də gündəlik planlarını tamamilə dəyişir.

2025-ci il istehsalı olan «Under the Stars» adlı melodram və komediya filminin rejissoru Mişel Dannerdir. Ekran əsərində əsas rolları Andres Qarsiya, Raffaele Qabrielli, Ceyson Vinuesa və Qabriel De Montemayor canlandırıb.