Onları kim dəvət edib?

Marqo və Adam cütlüyü nüfuzlu məhəllədə yerləşən geniş bir evə köçür. Qadın bu mənzilin onların büdcəsi üçün həddən artıq dəbdəbəli olduğunu düşünsə də, əri iş yoldaşları və rəhbərliyi qarşısında öyünmək məqsədilə evdə böyük qonaqlıq təşkil edir.

Məclis başa çatdıqdan sonra ev sahibləri qonaq otağında tanımadıqları bir kişi və qadınla qarşılaşırlar. Həmin şəxslər qonşuluqda yaşadıqlarını, əslində avtomobil parklanması ucbatından şikayətə gəldiklərini, lakin kefləri pozmaq istəmədiklərini bildirirlər. Övladları gecəni dostunun evində keçirdiyi üçün Adamla Marqo bu qəribə cütlüklə söhbəti davam etdirməyə razılaşırlar.

«Who Invited Them» filmi 2022-ci ildə ABŞ-da istehsal olunub və komediya trilleri janrındadır. Ekran əsərinin rejissoru Dankan Birminqemdir, əsas rolları isə Kristofer Çen, Evital Eş, Berri Rotbart və Melissa Tenq canlandırıb.