Chop

Şəhər kənarında maşını xarab olan Lans yol kənarında çıxılmaz vəziyyətdə qalır. Elə bu zaman onun köməyinə pikap sürən naməlum bir şəxs çatır və gənci şəhərə aparmağı təklif edir. Lans tərəddüd etmədən köməyi qəbul edir, lakin yol yoldaşının qəribə hərəkətləri çox keçmədən onu narahat etməyə başlayır.

Sürücünün şübhəli davranışı tezliklə dəhşətli sınağa çevrilir. Naməlum adamın əlinə düşən Lans bədəninin hissələrini bir-bir itirməyə başladığı qorxunc bir tələyə yuvarlanır.

Qara komediya, triller və qorxu janrlarını birləşdirən «Chop» filmi 2010-cu ildə ABŞ-da lentə alınıb. Layihənin rejissoru Trent Haaqadır, əsas rolları isə Uill Kinən, Kamill Kiton, Rikardo Qrey və Maks Haaqa canlandırıb.