Gözəlçə

Varlı iş adamı Edvard Lüis gecə şəhərində gəzərkən Vivyen adlı cazibədar bir qadınla qarşılaşır. Vivyen yalnız nağd pulla çalışan biridir. Səhər açılanda Edvard bu xanımdan ayrılmaq istəmədiyini anlayır və əlavə ödəniş qarşılığında onun bir müddət otel nömrəsində qalmasını xahiş edir.

Beləliklə, Vivyen yalan və parıltı ilə dolu yeni bir mühitlə üzləşməli olur. O, artıq adi müştəri kimi görmədiyi və rəğbət bəslədiyi bu kişinin xatirinə ətrafdakıların etinasız və soyuq rəftarına dözməyə çalışır.

1990-cı ildə ABŞ-da istehsal olunmuş «Gözəlçə» (Pretty Woman) filminin rejissoru Herri Marşalldır. Melodram və komediya janrında olan layihənin baş rollarında Riçard Qir, Culiya Roberts, Ralf Bellami və Ceyson Aleksander çəkiliblər.