Billi Uolşla necə görüşə çıxmalı

Arçi uşaqlıq illərindən ən yaxın rəfiqəsi olan Ameliyanı sevir, lakin hisslərini ona etiraf etməyə cəsarət tapmır. Uzun müddət utancaqlığına görə susan gənc nəhayət ürəyini açmağa hazırlaşır. Lakin tam bu ərəfədə məktəbə Amerikadan yeni bir şagird gəlir.

Billi Uolş adlı bu yeni oğlan qısa müddətdə hər kəsin diqqət mərkəzinə çevrilir. Hisslərini Arçidən gizlətməyən Ameliya da daxil olmaqla bir çoxları ona aşiq olur. Beləliklə, Arçinin gözlənilməz rəqibi qarşısında öz sevgisini bildirmək planı çətin sınaqla üzləşir.

Rejissor Aleks Pillainin çəkdiyi «How to Date Billy Walsh» filmi 2024-cü ildə Böyük Britaniyada istehsal olunub. Komediya və melodram janrındakı bu ekran əsərində rolları Edith Slow-Noble, Nael Ameen, Bella Induruwana və Kunal Nayyar canlandırıblar.