Müəmmalı intiharlar

Kler və Pol əyalətdən Los-Ancelesə köçərək yeni həyata başlamaq qərarına gəlirlər. Gənc qadın arzuladığı işi tapır, cütlük isə şəhərdə çox ucuz qiymətə mənzil kirayələməyə nail olur. Lakin onların sevinci uzun çəkmir: elə ilk gecə evə soxulan naməlum təriqətçi onların vanna otağında öz canına qəsd edir.

Tezliklə məlum olur ki, bu mənzil vaxtilə Storş adlı dini icma rəhbərinin intihar etdiyi yer olub. İndi isə onun yolunu getmək istəyən saysız-hesabsız fanatik ardıcıllar eyni əməli təkrarlamaq üçün ard-arda bu qapıya axışır. Başqa yerə köçməyə imkanı çatmayan ər-arvad çağırılmamış qonaqların bu istəyinə tamamilə qeyri-adi üsulla yanaşmaq qərarı verir.

«Müəmmalı intiharlar» komediya filmi 2018-ci ildə ABŞ-da istehsal olunub. Ekran əsərinin quruluşçu rejissoru Vivyeno Kaldinellidir. Əsas obrazları Con Yuan, Mett Yuan, C. Li və Con Dor canlandırıblar.