Korporativ

Palisade adlı beynəlxalq silah şirkətinin rəhbərliyi Şərqi Avropaya işgüzar səfər zamanı səkkiz əməkdaş üçün komanda ruhunu artıracaq istirahət planlaşdırır. İşçilər xidməti avtobusla Macarıstanın ucqar meşəliyində yerləşən kottecə yola düşürlər, lakin aşmış ağac yolu kəsir. Sürücü alternativ marşrutla getməkdən boyun qaçırır və rəhbər işçi ilə mübahisədən sonra onları tərk edib qayıdır.

Kimsəsiz meşədə qalan həmkarlar yolu piyada davam etdirmək qərarına gəlirlər və xeyli getdikdən sonra köhnə, yöndəmsiz bir tikiliyə rast gəlirlər. Bura vəd edilən məkana heç bənzəmir. Çox keçmir ki, onlar kənardan kiminsə gizlicə onların hərəkətlərini izlədiyini başa düşürlər.

«Korporativ» (Severance) filmi Böyük Britaniya, Almaniya və Macarıstan istehsalıdır və 2006-cı ildə nümayiş olunub. Komediya, triller və qorxu janrlarını birləşdirən layihənin rejissoru Kristofer Smitdir. Əsas rollarda Stefani Rətkliff, Metyu Beyker, Jüli Drayko və Nik Qrinholl çəkiliblər.