Deadstream

Vaxtilə qorxularına meydan oxuyaraq çəkdiyi ekstremal videolarla tanınan Şon adlı bloqer böyük qalmaqala görə bütün sponsorlarını itirir. Üzr videosu yayımladıqdan sonra o, yenidən maliyyə dəstəyi tapır və diqqəti özünə cəlb etmək üçün təhlükəli bir layihə düşünür.

Şon yüz ildən çox əvvəl tənha qadının intihar etdiyi və tez-tez qorxulu hadisələrin baş verdiyi qədim bir evdən canlı yayım açmaq qərarına gəlir. O, tamaşaçıları heyrətləndirmək üçün bütün gecəni həmin məkanda tək keçirməyi planlaşdırır.

ABŞ və Böyük Britaniyanın birgə istehsalı olan «Deadstream» qorxu və komediya filmi 2022-ci ildə ekranlara çıxıb. Ekran əsərinin rejissorluğunu Cozef Vinter və Vanessa Vinter edib, baş rolları da Vanessa Vinter, Cared Kuk və Pet Barnett canlandırıb.