Qonşular: Müharibə cığırında

Kişilər adətən bir-birindən fərqli iki qrupa bölünür. Subay və gənc olanlar vaxtlarını idmanla məşğul olaraq, səs-küylü dost çevrəsində və əyləncələrdə keçirirlər. Ailə həyatı quranlar isə evdə oturmağa, uşaq böyütməyə və televizorda serial izləməyə üstünlük verirlər. Adətən bu iki tərəfin gündəlik yolları heç vaxt kəsişmir.

Lakin tamamilə fərqli həyat tərzinə malik bu insanlar qonşu olduqda vəziyyət kökündən dəyişir. Dinc həyat tərzi ilə fasiləsiz şənliklər arasındakı toqquşma tərəfləri əsl qarşıdurmaya sürükləyir. Beləliklə, qonşular öz rahatlıqları uğrunda bir-biri ilə mübarizəyə başlayırlar.

«Neighbors» adlı komediya filmini amerikalı rejissor Nikolas Stoller ərsəyə gətirib. Ekran işi 2014-cü ildə ABŞ-da istehsal olunub. Filmdə Nataşa Lecero, Ceyk Conson, Liz Kakovski və Akiva Şaffer rol alıblar.