Təki o olmasın!

Uğurlu psixoanalitik Olivye Beranje peşəkar fəaliyyətində hər şeyə nail olub, lakin təşvişli və həddindən artıq yapışqan pasiyenti Damyen Lerua onun rahatlığını əlindən alır. Yorucu seanslardan təngə gələn həkim bu narahat adamdan uzaqlaşmaq üçün çıxış yolu axtarır. O, şəfa tapmağın yeganə yolunun əsl sevgi axtarışına çıxmaq olduğunu pasiyentin ağlına yeridir.

Lakin bu məsləhət gözlənilməz nəticə verir. Həkimin öz toyunun otuz illik yubileyi ərəfəsində qızı ailəsinə şad xəbər çatdıraraq xəyalındakı kişi ilə tanış olduğunu bildirir. Məlum olur ki, qızın seçdiyi həmin ideal sevgili məhz Olivyenin canını qurtarmağa çalışdığı pasiyentidir.

Fransa və Belçika istehsalı olan «Jamais sans mon psy» komediya filmi 2024-cü ildə ekranlara çıxıb. Rejissor Arno Lemorun çəkdiyi layihədə Sofi D'Ondt, Tszyasin Li, Judikael Eşalye və Tatyana Roxo kimi aktyorlar yer alıb.