Cake

Varlı və sərbəst düşüncəli Pippi heç nəyi gizlətməyən, çılğın bir qızdır. Rəfiqəsinin toyuna dəvət alarkən o, bəyin bu nikaha layiq olmadığını düşünür və böyük qalmaqal çıxararaq mərasimi pozur. Eyni zamanda onun media maqnatı olan sərt atası özünün «Toy zəngləri» jurnalına təcili yeni redaktor axtarışına çıxır.

Atasına bacarıqlı olduğunu sübut etmək istəyən Pippi bu boş vəzifəni öz üzərinə götürür. Görəcəyi işlər barədə heç bir təsəvvürü olmayan gənc qız dərhal çətinliklərlə üzləşir. Üstəlik, onun köməkçisi qismində indicə toyunu yarımçıq qoyduğu və lağa qoyduğu həmin şəxs peyda olur.

«Cake» romantik komediya filmi 2005-ci ildə ABŞ və Kanadanın birgə istehsalı kimi işıq üzü görüb. Ekran əsərinin rejissoru Nişa Qanatra, baş rol ifaçıları isə Ron Uayt, Hizer Qrem, Kasiya Vassos və Rebecca Eckler-dir.