Bangla

Romalı gənc Faim benqal əsilli ailəsi ilə birlikdə Torpinyattara məhəlləsində məskunlaşıb. O, gündüzlər muzeydə nəzarətçi işləyir, asudə vaxtlarında isə yerli musiqi qrupunda çıxış edir. Konsertlərin birində Faim xaraktercə onun tam əksi olan, sərbəst və cəsarətli Asiya ilə tanış olur.

Gənclər arasında dərhal güclü qarşılıqlı hisslər yaranır, lakin bu sevgi Faim üçün ciddi sınağa çevrilir. İslam dininin nigaha qədər yaxınlıq qadağası ailə ənənələrinə bağlı oğlanın qarşısında böyük maneə yaradır. O, sevdiyi qızla münasibətlərini qorumaqla yanaşı, inancına zidd getməməyin yollarını axtarmağa məcbur qalır.

İtaliya istehsalı olan «Bangla» komediya filmi 2019-cu ildə ekranlara çıxıb. Ekran əsərinin quruluşçu rejissoru Faim Buiyandır. Əsas rolları Milena Mançini, Alessiya Culiani, Martina Pinto və Simone Liberati canlandırıblar.