Təcrübəçi

Gənc hüquqşünas Antonio nüfuzlu vəkil doktor Totinin yanında təcrübə keçmək şansı qazanır. Parlaq karyera qurmaq istəyən gənc rəhbərinin hər bir tapşırığını sözsüz yerinə yetirir. O, həm sürücü, həm kuryer, həm də şəxsi aşpaz kimi çalışaraq böyük hüquq dünyasında özünə yer tapmağa cəhd edir.

Lakin vəkilin yeni xahişi gənci çıxılmaz vəziyyətə salır. Toti ondan argentinalı məşuqəsi ilə saxta nikaha girməsini tələb edir ki, qadın İtaliya vətəndaşlığı ala bilsin. İndi Antonio çətin seçim qarşısındadır: ya vicdanına zidd gedərək bu təkliflə razılaşmalı, ya da gələcək karyerasından birdəfəlik imtina etməlidir.

İtaliya istehsalı olan «Il tuttofare» komediya filmi 2018-ci ildə rejissor Valerio Attanazio tərəfindən çəkilib. Ekran əsərində rolları Avrora Peres, Elena Sofiya Ritçi, Roland Litriko və Klara Alonso ifa ediblər.