Cəhənnəm göydələni

İki şüşəsilənin növbəti iş günü Parisin hündürmərtəbəli binasının ən üst qatında qəfil qarışıqlığa çevrilir. Ətrafı təmizləyən tərəfdaşlar qəflətən binanın silahlı terrorçular tərəfindən zəbt edildiyinin şahidi olurlar. Şüşənin arxasında gənc bir qadın görən sadəlövh qəhrəmanlar nəyin bahasına olursa-olsun onu xilas etmək qərarına gəlirlər.

Yoldaşlar xilas etməyə çalışdıqları həmin qadının əslində bu cinayətkar dəstənin rəhbəri olduğundan tamamilə xəbərsizdirlər. Quldurların başçısı isə bu cür arzuolunmaz şahidləri aradan qaldırmaq üçün hər addımı atmağa hazırdır. Fədakar xilaskarlar hədəflərinə doğru irəlilədikcə cinayətkarlarla qarşı-qarşıya qalırlar.

Fransa istehsalı olan «Cəhənnəm göydələni» («La tour Montparnasse infernale») komediya filmi 2001-ci ildə ekranlara çıxıb. Ekran əsərinin rejissoru Şarl Nemesdir, əsas rolları isə Pyer Semmler, Bryus Conson, Jan-Klod Dofen və Serj Ryabukin canlandırıblar.