From Prada to Nada

Dəbdəbəli həyata öyrəşmiş iki bacı, milyonçu atalarının qəfil vəfatından sonra bütün var-dövlətlərini itirirlər. Bir qəpik pulları belə qalmayan gənc qızlar üçün Beverli-Hillzdəki qayğısız günlər geridə qalır. Onlar tamamilə gözlənilməz maddi çətinliklərlə üzləşməli olurlar.

Əvvəlki dəbdəbədən məhrum olan bacılar Los-Ancelesin ən kasıb məhəlləsində məskunlaşan xalalarının yanına köçmək məcburiyyətində qalırlar. Qızlar burada tamamilə fərqli bir mühitlə və sadə həyat tərzi ilə tanış olaraq yeni şəraitə uyğunlaşmağa çalışırlar.

«From Prada to Nada» komediya-melodram janrında olan filmin rejissoru Anhel Qrasiadır. ABŞ və Meksikanın birgə istehsalı olan bu film 2011-ci ildə nümayiş olunub. Baş rolları Eypril Boulbi, Karla Sousa, Aleks Qarsia və Oliverio Qareli canlandırıb.