Buraxılış sinfi

2002-ci ildə Stefani məktəbin ən parlaq qızı olmaq və məzuniyyət gecəsinin kraliçası seçilmək üçün var gücü ilə çalışırdı. Çirlidinq komandasının kapitanı olan qız uğursuz yıxılaraq ağır zədə alır və komaya düşür. Bu gözlənilməz hadisə onun bütün gələcək planlarını dondurur.

İyirmi ildən sonra ayılan Stefani fiziki olaraq böyüsə də, daxilən hələ də on yeddi yaşlı yeniyetmə olaraq qalır. Müasir məktəb həyatı və qaydalar tamamilə dəyişib. Buna baxmayaraq, o, yarımçıq qalmış arzusuna çatmaq və kraliçalıq tacını qazanmaq üçün yenidən buraxılış sinfinə qayıtmaq qərarına gəlir.

ABŞ istehsalı olan «Buraxılış sinfi» (Senior Year) komediya filmi 2022-ci ildə rejissor Aleks Hardkasl tərəfindən çəkilib. Əsas rollarda Rebel Vilson, Alisiya Silverstoun, Brendon Skott Cons və Con Krou çəkiliblər.