Arıqlamaq pis olmazdı

Dolğun bədən quruluşuna sahib olan gənc qadın ərinin xoşuna gəlmək xatirinə arıqlamaq qərarına gəlir. Bu məqsədlə o, xüsusi çəki atma proqramı təklif edən Alp dağlarındakı Brid-le-Ben kurortuna yollanır. Qəhrəman kurort qaydalarına əməl edib həyat yoldaşının diqqətini yenidən qazanmağa çalışır.

Lakin sanatoriyadakı günlər düşündüyündən daha fərqli cərəyan edir. O, burada özü kimi çəki atmağa gələn Sofi və Emili ilə tanış olur. Bu iki qadınla başlayan yaxın münasibət gözlənilməz hadisələr zəncirinə yol açır və onun bütün planlarını alt-üst edir.

«Mince alors!» adlı Fransa komediyası 2012-ci ildə rejissor Şarlott de Türkeym tərəfindən çəkilib. Filmdə əsas rolları Culiya Pyaton, Lola Dever, Frederik Şo və David Sall canlandırıb.