Seks yoxdur – pul da yoxdur

Uğurlu biznesmen Jan-Pyer Menarın dəbdəbəli mənzili, gəlirli işi, Odil adlı cazibədar xanımı, on altı yaşlı qızı və Rişar adlı şəxsi sürücüsü var. Lakin zahiri firavanlıq ailə daxilindəki soyuqluğu gizlədə bilmir: ər və arvad artıq neçə ildir müxtəlif otaqlarda yatır, bu da Jan-Pyeri dərin tənhalığa sürükləyir. Çıxış yolu axtaran kişi dərdini sürücüsü ilə bölüşməyi qərara alır.

Rişarın da şəxsi həyatında problemlər yaranıb: sevgilisi Karolina qəfildən yazıçı olmaq qərarına gəlib və günlərlə kağız qaralamaqla məşğul olaraq onu tamamilə unudub. Qadınların yalnız maddi maraq güddüyü qənaətinə gələn kişilər yeni bir taktika seçirlər. Sürücünün məsləhəti ilə Jan-Pyer alış-veriş həvəskarı olan arvadına yaxınlıq olmadığı təqdirdə xərclik verməyəcəyini bildirir.

«Le prix à payer» komediya filmi rejissor Aleksandra Lekler tərəfindən Fransada lentə alınıb. 2007-ci ildə təqdim olunan ekran əsərində əsas rolları Karmelita Tyuazan, Joslen De Tonkedek, Filipp Breton və Antuan Smaca canlandırıblar.