Sevgi iki nəfər üçündür

Uşaqlıq dostları olan Mişel və Vensanın qadınlar və münasibətlər barədə fikirləri bir-birinə tamamilə ziddir. Mişel həyatının qadını ilə təsadüfi və romantik bir görüş sayəsində qarşılaşacağını xəyal edir. Vensan isə kişilərin yalnız fiziki yaxınlıq axtardığına inanır və hisslərə yer qoymur.

Onların bu baxışları Anjela və Natali ilə tanışlıqdan sonra ciddi sınaqla üz-üzə qalır. Yeni münasibətlər hər iki dostun qurduğu planları alt-üst edir. Qəhrəmanlar sevgiyə və qadınlara olan əvvəlki münasibətlərini yenidən gözdən keçirməli olurlar.

«L'amour, c'est mieux à deux» filmi 2010-cu ildə Fransada lentə alınıb. Melodram və komediya janrında olan bu ekran işinin rejissorları Dominik Farruciya və Arno Lemordur. Baş rolları Virjini Efira, Manyu Paye, Emmanuel Suares və Loran Lafitt canlandırıb.